Golf La Finca 8.-15.apríl - Golf og golfkennsla með Karen Sævars

Ferð þessi er fyrir þá sem vilja æfa sig, spila og mæta vel undirbúnir í golfsumarið 2025. Hverjum þátttakanda stendur til boða að fá einkakennslu, þar sem við tökum video og skoðum sveifluna saman og skipuleggjum svo hvernig gott er að æfa út vikuna. Annar einkatími, eftirfylgni, verður svo 2-3 dögum seinna. Aðra daga þegar ekki er einkakennsla mæta þátttakendur milli 9:30 og 11:30 og æfa sig, bæði er stöðvaþjálfun, vipp, pútt, sandur, sveifla og meira eða auðvitað má taka hvíldarmorgun. Teigtímar og 18 holu spil byrjar um 12:30 og þá skráum við skor og tölfræði og lærum hvernig við vinnum með þær upplýsingar. Þátttökuskilyrði í ferðina er að vera með forgjöf og hafa góða reynslu út á velli að spila þó nokkuð. Þáttökufjöldi er takmarkaður við 12 kylfinga.